Har uch oyda sanoat yarmarkasi o‘tkaziladi
Vazirlar Mahkamasining joriy yil 30 sentyabrdagi “Sanoat yarmarkalari va elektron kooperatsiya birjasi faoliyatini tashkil etish chora-tadbirlari to‘g‘risida”gi qarori asosida sanoat yarmarkalari va elektron kooperatsiya birjasi portali faoliyati tashkil etiladi.
Endilikda qaror talabidan kelib chiqib, har uch oyda viloyatda ishlab chiqarilayotgan tayyor mahsulotlarning sanoat yarmarkasi o‘tkaziladi hamda buyurtmachi va ishlab chiqaruvchi o‘rtasidagi shartnoma onlayn tarzda portal orqali tuziladi.
