Savobtalab yigitlar Samarqand shahridagi uydim-chuqur ko‘chalarni “yamab” chiqibdi (foto)

Samarqand shahri ko‘chalarida uydim-chuqur joylar juda ko‘p. Notekis ko‘chalar yo‘l-transport hodisalariga ham sabab bo‘lmoqda. Yo‘ldagi noqulayliklarni kamaytirish maqsadida shahar aholisi birgalikda ayrim yo‘llarni “yamab” chiqibdi.

Zarnews.uz saytiga yuborilgan ma’lumotda shunday deyiladi: “Samarqand shahridagi Sartepa maskani va Mikrarayon hududi ko‘chalaridagi kattarib ketgan chuqurliklarni tekisladik. Shahar aholisiga ozgina foydamiz tegishini xohladik”.

Savob ishga qo‘l urgan azamatlarga shahar ahli nomidan o‘z minnatdorchiligimizni bildiramiz.