Spa salonni fohishaxonaga aylantirgan shaxs aniqlandi
Toshkentda spa salonda intim xizmat ko‘rsatish bilan bog‘liq holat aniqlandi. Bu haqda poytaxt IIBB matbuot xizmati xabar qilmoqda.
26 sentyabr kuni soat 22:55 larda Uchtepa tumanida profilaktik tadbir o‘tkazilgan. Unda jinoyat qidiruv xodimlari 52 yoshli Abdug‘ani X. 600 ming so‘m evaziga spa salonda ishrat uchun joy ajratib berganini aniqlashgan.
Mazkur holat yuzasidan Jinoyat kodeksining 131-moddasi 2-qismi (qo‘shmachilik qilish yoki fohishaxona saqlash) bilan jinoiy ish qo‘zg‘atilgan.
Hozirda tergov harakatlari olib borilmoqda.
