Superliga: «Dinamo» Samarqandda «Qizilqum» ustidan g‘alabaga erishdi
Superliganing 11-turi doirasida «Dinamo» Samarqandda «Qizilqum»ni qabul qildi.
O‘yinda 3:2 hisobi qayd etildi.
Birinchi bo‘limning 21-daqiqasida «Qizilqum» legioneri Roman Popariga hisobni ochgan bo‘lsa, 51-daqiqada «Dinamo»ning 19 yoshli futbolchisi Oybek O‘rmonjonov jarimadan super gol urdi - 1:1.
Uchrashuvning 61-daqiqasida raqib jamoa futbolchisi Shahzodbek Rahmatullayev mehmonlarni hisobda oldinga olib chiqdi, 77-daqiqada esa «Dinamo» legioneri Jurani Ferreira hisobni tenglashtirdi - 2:2.
O‘yinning 90+6-daqiqasida «Dinamo» vingeri Sanjar Qodirqulov tomonidan kiritilgan gol Vadim Abramov jamoasiga g‘alaba keltirdi - 3:2.
Eslatib o‘tamiz, jamoamiz turnir jadvalida 22 ochko bilan 3-o‘rinda bormoqda.
