“Toshkent-Samarqand” yo‘nalishida qo‘shimcha “Afrosiyob” qatnovi yo‘lga qo‘yildi
“Toshkent-Samarqand-Toshkent” yo‘nalishida "Afrosiyob" poyezdlari qatnovi ko‘paymoqda. Bu haqda “O‘ztemiryo‘lyo‘lovchi” AJ matbuot xizmati xabar qilmoqda.
26 sentyabrdan boshlab haftasiga ikki marotaba, shanba va yakshanba kunlari “Toshkent-Samarqand-Toshkent” yo‘nalishida “Afrosiyob” poyezdining qo‘shimcha qatnovi yo‘lga qo‘yiladi.
Bu yo‘lovchilarga ko‘proq transport xizmatlarini ko‘rsatish maqsadida amalga oshirilmoqda.
Qo‘shimcha ma’lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olish mumkin.
