Toshkentda mast holda uxlab qolgan fuqaro yonib ketdi
10 avgust kuni Toshkentdagi xonadonlardan birida yong‘in sodir bo‘lgan. Bu haqda Toshkent shahar Yong‘in xavfsizlik boshqarmasi ma’lumot berdi.
Yong‘in soat 19:34 da, Yashnobod tumani, M.Riyoziy mavzesi 18-uy 60-xonadonda yuz bergan. Yong‘inda 20 kv. metr maydonida uy jihozlari yongan, xonadonning 30 kv metr maydoni saqlab qolingan.
Yong‘in o‘chirish jangovar bo‘linmalari chaqirilgan manzilga soat 19:42 da yetib borgan va ko‘rilgan tezkor chora va harakatlar natijasida yong‘in soat 20:01 da o‘chirilgan. Yong‘in joyiga 3 ta yong‘in o‘chirish texnikasi jalb qilingan.
Yong‘in natijasida 1 nafar fuqaro xalok bo‘lgan.
Yong‘in mast holda sigareta chekishda ehtiyotsizlik oqibatida sodir bo‘lgan, deb taxmin qilinmoqda. Yong‘indan keltirilgan moddiy zarar miqdori aniqlanmoqda.
