Haydovchi xatosi bilan avtomashina kanalga tushib ketib, uch navqiron yigit halok bo‘lgan, haydovchi voqea joyidan qochib ketgan

Viloyat IIB axborot xizmatining xabar berishicha, 8 may kuni soat 02:40 larda Samarqand tumanining Badal qishlog‘idan o‘tgan mahalliy yo‘lda “Nexia” haydovchisi boshqaruvni yo‘qotgan, natijada avtomashina kanalga ag‘darilib ketgan.

Mashina ichida besh kishi bo‘lgan. Haydovchining xatosi bilan avtomashinaning orqa salonidan o‘tirgan uch yigit halok bo‘lgan. Ularning ikki nafari voyaga yetmagan o‘smir - 7 va 8-sinfda o‘qiydigan o‘quvchilar hamda 29 yoshli yigit bo‘lgan.

Haydovchining o‘zi voqea joyidan qochib ketgan.

Hodisa yuzasidan Toyloq tumani IIB tomonidan Jinoyat kodeksining 266-moddasi 3-qismi bilan jinoyat ishi qo‘zg‘atilgan.

Viloyat IIB xabariga xabariga ko‘ra, hozirda dastlabki tergov harakatlari olib borilmoqda.