Xalqaro musobaqada g‘olib bo‘lgan 9 nafar samarqandlik sambochilar taqdirlandi
Joriy yilning noyabr oyida Serbiyaning Novi-Sad shahrida sambo bo‘yicha o‘smirlar, kattalar va yoshlar o‘rtasida jahon chempionati o‘tkazilgandi.
Kecha, 7 dekabr kuni 9 nafar g‘oliblikni qo‘lga kiritgan sportchilarni taqdirlash marosimi bo‘lib o‘tdi.
Unda viloyat hokimi o‘rinbosari B.Nurullayev, viloyat sog‘liqni saqlash boshqarmasi boshlig‘i, viloyat sambo federatsiyasi raisi D.Jumaniyozov hamda viloyat jismoniy tarbiya va sport boshqarmasi boshlig‘i Sh.Ro‘ziyev sambochilarimizni erishgan yutuqlari, Bosh qomusimiz qabul qilinganining 28 yillik bayrami bilan tabrikladi.
Eslatib o‘tamiz, Serbiyadagi xalqaro musobaqada Bektosh Nazarov, Davlatjon Hamroyev oltin medalni, Regina Azimova, Shaxriyorbek Mamatqulov, Ne’mat Yoqubov, Furqat Ro‘ziyev kumush medalni, Jaloliddin Ortiqov, Dilshod Gadoyev, Gulnoza Ziyoyeva, Ulug‘bek Rahmonov bronza medalni qo‘lga kiritgan.
Ahror ShAMSIYeV.
