Xersonni berish – Rossiya uchun eng katta mag‘lubiyatmi?
Rossiya Dneprning o‘ng qirg‘og‘idan qo‘shinlarini olib chiqadi. Shu bilan Moskva Xerson ustidan nazoratni yo‘qotishi mumkin. Qo‘shinlarni o‘tkazish to‘g‘risidagi buyruq chorshanba kuni Rossiya mudofaa vaziri Sergey Shoygu tomonidan qo‘shma guruh qo‘mondoni Sergey Surovikinning hisobotidan so‘ng berildi.
Hisobotda Surovikin "mavjud vaziyatni har tomonlama baholashdan so‘ng, Dnepr daryosining chap qirg‘og‘i bo‘ylab mudofaaga kirishish taklif qilinganini" ta’kidlab, bu "juda og‘ir qaror" ekanligini qo‘shimcha qildi. Vazir Shoygu bu taklifga rozi bo‘lgan.
"Biz uchun rossiyalik harbiylarning hayoti va salomatligi doimo ustuvor. Tinch aholiga tahdidni ham hisobga olishimiz kerak. Barcha tinch aholi chiqib ketishiga ishonch hosil qiling. Dnepr daryosidan shaxsiy tarkib, qurollar xavfsiz o‘tishini ta’minlash uchun barcha choralarni ko‘ring, qo‘shinlarni olib chiqishni davom ettiring", dedi Shoygu.
Biroq Ukraina rahbariyati Rossiya armiyasi Dneprni tark etishiga ishonmayapti.
"Harakatlar aytilgandan ko‘ra balandroq chiqyapti. Ukraina Rossiya Xersonni jangsiz tark etayotganidan darak bermayapti. Rossiya guruhining salmoqli qismi shaharda qolmoqda, mintaqaga qo‘shimcha zaxiralar jalb qilinmoqda", - deb yozadi Twitterda Ukraina prezidentining maslahatchisi Mixail Podolyak.
Oktyabr oyi boshida Ukraina qo‘mondonligi tashabbus (ya’ni hal qiluvchi hujum uchun joy tanlash qobiliyati) va son ustunligidan foydalanib, Rossiya mudofaasida zaif nuqtani topishga muvaffaq bo‘ldi: Dnepr bo‘ylab zarba berildi. Natijada, ko‘prikning shimoliy qismidagi barcha rus qo‘shinlari yangi mudofaa chizig‘ini yaratish uchun chekinishga majbur bo‘ldi. Ukraina Qurolli Kuchlari yangi hujum uchun qo‘shimcha kuchlarni yig‘ishni boshladi. Rus guruhi uchun vaziyat yomonlashishda davom etdi.
Chekinish frontdagi vaziyat bilan bog‘liq emas: so‘nggi bir oy davomida Dneprning o‘ng qirg‘og‘ida faqat mahalliy janglar bormoqda. Rossiya manbalari ularni "Ukraina hujumlari" deb atashadi ("dalil" sifatida ruslar bir nechta shikastlangan Ukraina uskunalarini ko‘rsatgan), ammo Ukraina faollikni inkor etdi. Qanday bo‘lmasin, ikki tomon ham bir necha oydan beri bu hududda jiddiy siljishga erisha olmadi. Bu esa ayrim ekspertlarga ko‘ra, tomonlarni yana bir bor muzokaralar haqda o‘ylab ko‘rishga undashi mumkin.
