Xitoyda so‘nggi kecha-kunduzda 61 nafar koronavirus holati qayd etildi

Xitoyda so‘nggi kecha-kunduzda 61 nafar koronavirus holati va 44 nafar kasallik alomatlari ko‘zatilmagan tashuvchi qayd etildi, 10 nafar bemor sog‘aydi. Bu haqda 27 iyul kuni XXR Sog‘liqni saqlash davlat qo‘mitasi ma’lum qildi.

Jumladan, kasallanganlarning 41 nafari Shinjon-Uyg‘ur avtonom hududida, 14 nafari Lyaonin provinsiyasida, 2 nafari Szilin provinsiyasida aniqlandi, qolganlari mamlakat tashqarisidan kirib kelgan.

COVID-19 tarqalishi boshlanganidan buyon Xitoyda 83 891 nafar kasallanish holati qayd etildi, 78 918 nafar bemor sog‘aydi va 4 634 kishi koronavirus oqibatida vafot etdi. Ayni vaqtda 339 nafar bemor kasalxonalarda davolanmoqda.

Xitoydan tashqari, Gonkongda 2 633 nafar (18 nafar bemor vafot etdi, 1495 nafar bemor sog‘aydi), Makaoda 46 nafar (barcha bemorlar sog‘aydi) va Tayvanda 458 nafar (yetti kishi vafot etdi, 440 nafar bemor sog‘aydi) kasallanish holati qayd etildi.