Xitoyning Uxan shahrida so‘nggi kecha-kunduzda bironta ham koronavirus holati qayd etilmadi
COVID-19 koronavirus infeksiyasi tarqalish markaziga aylangan Xitoyning Xubey provinsiyasi, Uxan shahrida so‘nggi sutkada bironta ham yangi turdagi virus bilan kasallanish holati qayd etilmadi. Bu haqda XXRning sog‘liqni saqlash Milliy komissiyasi xabar berdi.
Bu holat kasallik tarqalishni boshlagandan buyon ilk bora qayd etilmoqda.
Kecha provinsiyada 795 nafar bemorga kasalxonalardan javob berildi. Sakkiz nafar o‘lim holati qayd etildi.
Xubey provinsiyasidan tashqaridagi Xitoy hududida o‘lim holati qayd etilmadi. Provinsiyadan boshqa hududlarda 34 nafar yangi kasallanganlar aniqlandi.
