Yaponiyaga ishga yuborishni va’da qilib, 5 ming dollarni o‘zlashtirgan shaxs ushlandi
Joriy yilning 8 iyul kuni Samarqand shahar IIBga tushgan hujjatlarga ko‘ra, 2018 yil 1 avgust kuni Navboxchiyon mahallasida yashovchi 36 yoshli P.X. tanishlari 25 yoshli S.A. va 28 yoshli S.O‘. Yaponiya davlatiga ishlash uchun yuborishini aytgan. Ulardan 5000 AQSh dollarini olib, bergan va’dasini bajarmay pullarni o‘z ehtiyojlari uchun ishlatib yuborganligi ko‘rsatilgan.
Holat yuzasidan jinoyat ishi qo‘zg‘atilib P.X. ushlangan.
O‘zbekiston Respublikasi IIV Jamoatchilik va OAV bilan aloqalar boshqarmasi xabar berishicha, tergov harakatlari olib borilmoqda.
