YTH oqibatida "Neksiya" yonib ketdi, haydovchi qurbon bo‘ldi

Joriy yilning 15 aprel kuni soat 21:00 larda Toshkent viloyati, Zangiota tumani, Turkiston QFY, Alimbuva MFY, Ramadan ko‘chasida haydovchi, 1995 yilda tug‘ilgan I.A. “Neksiya” rusumli transport vositasini harakatlanish huquqini beruvchi maxsus stikersiz Yoshlik ko‘chasi tomonga boshqarayotib, yo‘lning qarama-qarshi yo‘nalishiga chiqib ketishi oqibatida qarshisidan o‘z yo‘nalishida harakatlanib kelayotgan haydovchi, 1968 yilda tug‘ilgan M.N. boshqaruvidagi, harakatlanish huquqini beruvchi maxsus stikersiz “Lasetti” rusumli transport vositasi bilan to‘qnashuv sodir etgan.

To‘qnashuv oqibatida “Neksiya” rusumli transport vositasi yonib ketgan, deb xabar berdi O‘zbekiston Respublikasi IIV YHXBB axborot xizmati.

“Neksiya” rusumli transport vositasi haydovchisi I.A. YTH joyida vafot etgan, “Lasetti” rusumli transport vositasi yo‘lovchisi D.N. tan jarohati olib shifoxonaga yotqizilgan.

Mazkur holat yuzasidan tuman IIB TB tomonidan surishtiruv ishlari olib borilmoqda.