Samarqand shahrida ro‘y bergan yo‘l-transport hodisasi haqida viloyat IIB boshlig‘i ma’lumot berdi (video)

Samarqand shahrining Mirzo Ulug‘bek ko‘chasida yo‘l-transport hodisasi ro‘y berdi. Ijtimoiy tarmoqlarda tarqalgan ushbu yo‘l-transport hodisasi haqidagi video tasvirda yo‘lning narigi tomonidan katta tezlikda kelayotgan avtomobil ag‘darilib, yo‘lning bu tomoniga o‘tib, boshqa mashinalarga borib urilgan.

Voqea 20 iyun oqshomida yuz bergan. Ushbu holat yuzasidan viloyat ichki ishlar boshqarmasi boshlig‘i Aziz Toshpo‘latov bugun viloyat hokimligida bo‘lib o‘tgan matbuot anjumanida ma’lumot berdi.

-Ushbu yo‘l-transport hodisasi ko‘rishida juda vahimali, dahshatli. Lekin biron-bir o‘lim holati ro‘y bergani yo‘q. Yo‘l chetida turgan fuqarolarga shikast yetgan. Haydovchi texnik nosozlik tufayli mashinani boshqara olmay qolgan, - dedi Aziz Toshpo‘latov.