Markaziy harbiy okrug xizmatchilari sardobaliklarga yordam bermoqda
Markaziy harbiy okrug qo‘shinlarida xizmat qilayotgan harbiy xizmatchilar ham sirdaryoliklarga ko‘mak berish maqsadida Sardoba tumaniga yetib keldi.
Bu haqda Markaziy harbiy okrug matbuot xizmati ma’lum qildi.
2 may kuni okrug qo‘mondonligi boshchiligida yetib kelgan 2000 nafardan ortiq harbiy xizmatchilar Qo‘rg‘ontepa va Soflik mahallasida hududni tozalash, uylarni ta’mirlash, suv chiqarish, yo‘llarni ochish va boshqa yumushlarda yordam bermoqda. Okrug tasarrufidagi 200 ga yaqin harbiy texnika ofat oqibatlarini bartaraf etishda qo‘l kelmoqda.
Bundan tashqari, okrug radiatsion kimyoviy biologik muhofaza bo‘linmalari, psixolog hamda tibbiyot pukti xodimlari tomonidan aholi salomatligi tekshirilib, fuqarolar vaqtincha joylashgan joylar dezinfeksiya qilinmoqda.
