Android qurilmalar uchun Zarnews.uz mobil ilovasi. Yuklab olish x

“Onamning janozalariga borayotgandim...”. IIBB yangicha firibgarlikdan ogohlantirdi

Toshkent shahar ichki ishlar bosh boshqarmasi fuqarolarni firibgarlardan ogoh bo‘lishga chaqirdi.

“So‘nggi vaqtlarda fuqarolarimizga quyidagi mazmundagi SMS-xabarlar kelmoqda: “Assalomu alaykum. Men onamni janozalariga borayotganimda yo‘lda mashinam buzilib, Qamchiq dovonida qolib ketdim. Menga sizning yordamingiz kerak. Telefonimga ozroq pul tashlab yuboring”.

Odatda 25 ming so‘m, ba’zida esa kattaroq mablag‘ so‘rashadi. Ya’ni, muammo pulda emas. Yordam qo‘lini cho‘zgan insonlar keyinchalik bilishlaricha, ulardan yordam so‘ragan odam umuman notanish kimsa bo‘lgan. Oddiyroq qilib izohlaganda, bu fuqarolarni aldash yo‘llaridan biri.

Achinarlisi shundaki, insonlarning muruvvatidan foydalangan kimsalar sababli bir marta aldangan fuqarolar keyinchalik birovga yordam qo‘lini cho‘zishdan qo‘rqib qoladi.

Hurmatli fuqarolar! Bu kabi holatlarda notanish kishiga yordam berish yoki bermaslikni o‘zingiz hal qilasiz. Ammo aldanib qolmaslik uchun baribir ehtiyotkor bo‘lishingiz zarur”, deyilgan xabarda.