Samarqandda “Investitsiya kuni” tadbiri o‘tkazildi
Savdo-sanoat palatasi Samarqand viloyat hududiy boshqarmasi binosida viloyat hokimi E.Turdimov ishtirokida “Investitsiya kuni” tadbiri o‘tkazildi.
70 dan ortiq ishbilarmon va tadbirkorlar qatnashgan tadbirda yangi investitsion loyihalar taqdimoti o‘tkazildi va investitsiyaviy takliflar muhokama etildi. Salohiyatli investorlar bilan uchrashuvlar amalga oshirildi.
Shu bilan bir qatorda investorlarda to‘g‘ridan-to‘g‘ri xorijiy investitsiyalar ishtirokida amalga oshirilayotgan loyihalarda yuzaga kelayotgan muammolarni bartaraf etish masalalari ham birma-bir ko‘rib chiqildi. Mas’ullar biriktirilib, viloyat hokimligi tomonidan ijro nazorati olib borilishi belgilandi.
