Android qurilmalar uchun Zarnews.uz mobil ilovasi. Yuklab olish x

Samarqandda mukofot oladigan hokim yo‘qmi?

Ayrim tumanlar hokimi hamda birinchi o‘rinbosarlari pul mukofoti oldi, ayrimlari esa jazo.

✅ Hukumatning tegishli farmoyishi (421-F, 17.09.2020 yil) bilan 2020 yilning birinchi yarim yilligida sanoat mahsulotlari ishlab chiqarishning o‘sish sur’atlarini ta’minlagani uchun quyidagi tuman hokimlari hamda ularning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari bir martalik pul mukofoti bilan rag‘batlantirildi:

👉 Andijon viloyatining Izboskan va Qo‘rg‘ontepa tumanlari;

👉 Buxoro viloyatining Romitan tumani;

👉 Namangan viloyatining Norin tumani;

👉 Surxondaryo viloyatining Muzrabot va Qumqo‘rg‘on tumanlari;

👉 Xorazm viloyatining Yangibozor tumani.

Ushbu tumanlar hokimlari 10 million so‘m miqdorida, ularning birinchi o‘rinbosarlari 8 million so‘m miqdorida pul mukofoti oladigan bo‘ldi. Mazkur rag‘batlantirish Vazirlar Mahkamasining zaxira jamg‘armasi mablag‘lari hisobiga amalga oshiriladi.

❗️ Shuningdek, mazkur farmoyish bilan 2020 yilning birinchi yarim yilligida sanoat mahsulotlari ishlab chiqarish hajmining o‘tgan yilga nisbatan o‘sish sur’atlari ta’minlanmaganligi uchun quyidagi tumanlar hokimlari ogohlantirildi. Ularning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlariga esa hayfsan berildi:

👉 Buxoro viloyatining Buxoro va Jondor tumanlari;

👉 Namangan viloyatining Yangiqo‘rg‘on tumani;

👉 Qashqadaryo viloyatining Qarshi tumani;

👉 Samarqand viloyatining Bulung‘ur;

👉 Samarqand va Jomboy tumanlari;

👉 Toshkent viloyatining Chinoz va O‘rta Chirchiq tumanlari;

👉 Farg‘ona viloyatining Dang‘ara, Rishton va Yozyovon tumanlari.

‼️ 2020 yilning yanvar-sentyabr oylari yakunlariga ko‘ra, sanoat mahsulotlari ishlab chiqarish ko‘rsatkichlari asosida yuqoridagi ro‘yxatda qayd etilgan tuman hokimlari hamda ularning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari faoliyatiga baho berish yoki egallab turgan lavozimidan ozod etishgacha bo‘lgan jazo choralari qo‘llanishi belgilandi.