Senatning yigirma beshinchi yalpi majlisida 6 ta qonun ko‘rib chiqiladi
Bugun, 14 dekabr kuni Toshkent shahrida O‘zbekiston Respublikasi Oliy Majlisi Senatining yigirma beshinchi yalpi majlisi o‘z ishini boshlaydi.
Yalpi majlisda senatorlar mamlakatimiz demokratik taraqqiyotining yangi bosqichida amalga oshirilayotgan islohotlarning huquqiy asoslarini mustahkamlashga qaratilgan bir qator qonun hujjatlari hamda muhim masalalarni muhokama qiladi.
Jumladan, quyidagi qonunlar ko‘rib chiqiladi:
- “O‘zbekiston Respublikasining Soliq kodeksi to‘g‘risida”;
- “Davlat boji to‘g‘risida”;
- “Investitsiyalar va investitsiya faoliyati to‘g‘risida”;
- “Maxsus iqtisodiy zonalar to‘g‘risida”;
- “O‘zbekiston Respublikasi Milliy gvardiyasi to‘g‘risida”;
- “Maktabgacha ta’lim va tarbiya to‘g‘risida”.
