Xalq deputatlari Samarqand viloyati Kengashining oltmish oltinchi sessiyasi o‘tkazilmoqda

Viloyat hokimligida Xalq deputatlari Samarqand viloyati Kengashining oltmish oltinchi sessiyasi o‘z ishini boshladi.

Sessiya kun tartibida viloyat mahalliy byudjetining 9 oylik ijrosi, O‘zbekiston Respublikasi Prezidentining 2017 yil 21 iyundagi “Mahalliy eksport qiluvchi tashkilotlarni yanada qo‘llab-quvvatlash va tashqi iqtisodiy faoliyatni takomillashtirish chora-tadbirlari to‘g‘risida”gi PQ-3077-sonli qarorining viloyatdagi ijrosi kabi masalalar ko‘rib chiqilishi, shuningdek, deputatlar tomonidan viloyat ichki ishlar boshqarmasi boshlig‘ining ichki ishlar organlarining 2019 yilning 9 oyi mobaynida jinoyatchilikning oldini olish va huquqbuzarliklar profilaktikasini ta’minlash borasidagi axboroti eshitilishi ko‘zda tutilgan.