АҚШ судьялари Трампни айблаш учун овоз беришди, у 30 дан ортиқ бизнес фирибгарлигида айбланмоқда
АҚШнинг олий ҳакамлар ҳайъати собиқ президент Дональд Трампни айблаш учун овоз берди, деб хабар бермоқда CNN манбаларга таяниб.
Манхэттен прокуратураси АҚШнинг собиқ президенти Дональд Трампга нисбатан фирибгарлик бўйича айбловлар қўйишга тайёр, Дональд Трамп олий ҳайъат айбловида келтирилган 30 дан ортиқ бизнес фирибгарлиги бўйича айбланмоқда, дейилади телеканал хабарида.
Трампнинг ўзи вазиятни изоҳлар экан, унга қўйилган айбловларни сиёсий таъқиб ва тарихда сайловларга энг юқори даражадаги аралашиш деб атади. Шу билан бирга, у АҚШни “учинчи дунё давлати” деб атади.
CNN маълумотларига кўра, Трамп республикачи конгрессменларни қўллаб-қувватлаши умидида, фаол қўнғироқлар қила бошлаган.
Республикачилар палатаси спикери Кевин Маккарти Манхэттен адвокатини мисли кўрилмаган мансабни суиистеъмол қилишда айблади. Флорида губернатори, 2024 йилда АҚШда бўлиб ўтадиган Республикачилар партиясининг праймеризларида Трампнинг асосий рақибларидан бири саналган Рон Десантиснинг айтишича, ишнинг шубҳали ҳолатларини ҳисобга олиб, штат собиқ давлат раҳбарининг экстрадициясини осонлаштирмайди.
Тахминларга кўра, гап Трамп билан ишқий муносабатлари ҳақида сукут сақлагани учун катта миқдорда пул таклиф қилинган порноактриса Сторми Дениэлс иши ҳақида кетмоқда.
Собиқ президентнинг ўзи Даниэлс билан алоқани ҳам, унинг ноқонуний хатти-ҳаракатларини ҳам рад этади. У, шунингдек, бу ҳолат 2024 йилги президентлик сайловларида қатнашиш нияти билан боғлиқ сиёсий таъқиб эканини таъкидлайди.
