Британияда ҳаво кучларининг яна бир базаси жазирама туфайли ишдан чиқди
Буюк Британия ҳаво кучларининг яна бир базаси ғайритабиий иссиқ туфайли тўхтади, дея хабар бермоқда Sky News армиядаги манбаларга таяниб.
Ўтган ҳафта учиш-қўниш йўлагининг юмшаши натижасида Линкольншир графлигидаги «Крануэлл» базаси фаолияти тўхтатилгани хабар қилинганди.
Душанба куни Оксфордширдаги Бриз Нортон - қиролликдаги энг катта база учиш-қўниш йўлаги Британияни қамраган жазирамага дош беролмади. Манбага кўра, эрталаб у ерда парвозлар тўхтатилган.
Айтилишича, агар қуёш таъсирида асфальт юзаси ёпишқоқ бўлиб қолса, учиш-қўниш йўлакларидан фойдаланиш хавфли ҳисобланади.
Об-ҳаво прогнозларига кўра, душанба ва сешанба кунлари термометрлар 40 даражагача кўтарилиши мумкин. Мамлакат кузатувлар тарихидаги мутлақ рекорд эса 2003 йилда ўрнатилган бўлиб, ҳарорат +38,7 даража бўлган.
