Қувайт Ўзбекистондан қуритилган мевалар экспортини кўпайтирмоқчи
Бу бўйича режалар Ўзбекистон элчиси Аюбхон Юнусов Кувайтнинг "Al Homaizi Food Industries" компанияси вакиллари билан учрашувда муҳокама қилинган.
Қувайт томони Ўзбекистондан қуруқ мевалар, шоколад маҳсулотлари, шарбат ва ҳолва каби турли ширинликларни сотиб олиш мақсадида ўзбек компаниялари билан ҳамкорлик қилишга тайёр эканлигини маълум қилган.
Элчи "Al Homaizi Food Industries" компанияси раҳбарияти ва вакилларини шу йил 13-14 май кунлари ўтказиладиган Ўзбекистоннинг инвестициявий, экспорт ва туристик салоҳиятига бағишланган кўргазмада иштирок этишга таклиф қилган.
Кўргазма давомида "Al Homaizi Food Industries" компанияси Ўзбекистондан қуритилган меваларни Қувайтга экспорт қилиш учун ўзбек экспортёр компаниялари билан ҳамкорлик ўрнатиши мумкинлиги таъкидланди, дея хабар беради "Дунё" АА.
