Samarqand tumanida “Xalq kutubxonasi” tashkil etildi
Samarqand tumanidagi Nayzatepa mahallasida tuman prokurori tashabbusi bilan “Xalq kutubxonasi” tashkil etildi.
Mahallada bunyod etilgan kutubxonada 4 mingdan ortiq badiiy, tarixiy, bolalar adabiyoti va huquqiy mavzudagi kitoblar o‘rin olgan. Kutubxonani to‘ldirishda mahalla ahli ham o‘z hissasini qo‘shmoqda.
- Kutubxona yoshlarning ma’naviy olamini boyitishga xizmat qiladi, - deydi Naim Salomov. – Asosiysi, bolalarning bo‘sh vaqtini mazmunli tashkil etish, ularni kitobga oshno bo‘lishlariga zamin yaratadi.
