2020 yil 1 martdan butun respublikada traktorchi-mashinistlarning haydovchilik hujjatlari almashtiriladi
Qishloq xo‘jaligi, melioratsiya va yo‘l-qurilish texnikalaridan foydalanishni takomillashtirish chora-tadbirlari to‘g‘risidagi Hukumat qarori qabul qilindi (325-son, 17.04.2019 y.), deb xabar bermoqda huquqiy axborot kanali.
Qarorga muvofiq:
- 2019 yil 1 dekabrdan Toshkent shahrida, 2020 yil 1 martdan butun respublikada traktorchi-mashinist guvohnomasining, texnik pasport va texnik guvohnomaning (guvohnomalar) yangi namunalari beriladi;
- 2020 yil 1 mart – 2020 yil 31 dekabrda eski namunadagi guvohnomalar egalarining arizasiga ko‘ra, majburiy texnik ko‘rikdan o‘tkazishda, oldi-sotdi, ro‘yxatdan o‘tkazish va chiqarish davrida almashtiriladi;
- 2021 yil 1 yanvar – 2022 yil 31 dekabrda eski namunadagi guvohnomalar majburiy almashtiriladi;
- eski namunadagi guvohnomalar 2023 yil 1 yanvardan haqiqiy emas deb hisoblanadi.
