2020 yilda ehtiyojmand mehnat muhojirlariga 450 ta xonadon ajratiladi
Samarqand viloyati hokimi E.Turdimov Prezidentimizning 2019 yil 20 avgustdagi “Xorijda vaqtinchalik mehnat faoliyatini amalga oshirayotgan O‘zbekiston Rspublikasi fuqarolari va ularning oila a’zolarini himoya qilish kafolatlarini yanada kuchaytirish choralari to‘g‘risida”gi farmoni ijrosini ta’minlash maqsadida qaror qabul qildi.
Qarorda uy-joy sharoitlarini yaxshilashga ehtiyojmand mehnat muhojirlariga 2020 yilda uy-joy qurilishi bo‘yicha davlat dasturlari doirasida ko‘p kvartirali uylardan 450 ta xonadon ajratilishi belgilandi.
