6 oyda 267 nafar og‘ir turmush sharoitdagi ayollarga uy-joy qurilishi uchun boshlang‘ich badal to‘lab berildi
Bugungi kunda 1 ming 576 nafar og‘ir turmush sharoitida yashayotgan, nogironligi bo‘lgan uy-joyga muhtoj xotin-qizlar ro‘yxatlari shakllantirilgan va hududiy komissiyalar tomonidan o‘rnatilgan tartibda o‘rganilmoqda.
2019 yil yakuniga qadar uy-joy sharoitini yaxshilashga muhtoj 1 ming 576 nafar ayolga uylarni topshirish belgilangan.
Ushbu uylarning boshlang‘ich badali Xotin-qizlarni va oilani qo‘llab-quvvatlash jamoat fondi mablag‘lari hisobidan O‘zbekiston Xotin-qizlar qo‘mitasi tomonidan taqdim etilgan ro‘yxatlarga asosan to‘lab berilishi ko‘zda tutilgan.
Joriy yilning 1 iyuniga qadar 267 nafar uy-joyga muhtoj og‘ir turmush sharoitidagi va nogironligi bo‘lgan ayollarga uy-joy qurilishi uchun Xotin-qizlarni va oilani qo‘llab-quvvatlash jamoat fondi mablag‘lari hisobidan boshlang‘ich badallari to‘lab berildi.
