Afg‘onistonda tolibonlar hujumi oqibatida 9 harbiy halok bo‘ldi
Afg‘onistonning Balx viloyatida Tolibon terrorchilik harakati guruhi tomonidan uyushtirilgan hujum oqibatida to‘qqiz nafar harbiy halok bo‘ldi, to‘rt nafar tinch aholi va bir nafar yosh bola jarohatlandi. Bu haqda ToloNews telekanali xabar qildi.
Tolibonlar yakshanba kuni tunda Sholgara hududidan chiqish yo‘lida hujum uyushtirishgan. Huquqni muhofaza qilish idorasi vakilining so‘zlariga ko‘ra, ikki nafar tolibon jangarisi va ularning boshlig‘i yo‘q qilingan.
