Ayollarga ishlashga ruxsat bergan oxirgi soha: Afg‘onistonda go‘zallik salonlari yopildi
Afg‘onistonda hukmron Tolibon harakati mamlakatdagi barcha go‘zallik salonlari yopilganini e’lon qildi. Ilgari ushbu muassasalar egalariga biznesini tugatish uchun bir oy muddat berilgan edi.
Salonlar yopilishini Tolibon rasmiy ravishda xizmatlar uchun juda yuqori narxlar, shuningdek, ularning ayrimlari shariat qonunlariga zid ekanligi bilan izohlagan.
G‘arb matbuotiga ko‘ra, salonlarning yopilishi 60 ming ish o‘rni yo‘qolishiga olib keladi va Afg‘onistonning shusiz ham zaif iqtisodiyotiga qattiq zarba beradi. Qolaversa, kosmetika sohasi afg‘on ayollariga ishlashga ruxsat berilgan oxirgisi edi.
