Afg‘onistonda tolibonlar mingga yaqin neft ortilgan yuk avtomobillarini qo‘lga oldi
Tolibon terrorchilik guruhi jangarilari mingga yaqin neft ortilgan yuk avtomobilini qo‘lga oldi. Bu haqda TOLO News telekanali xabar qildi.
Voqea Bog‘lan viloyatida sodir bo‘ldi. Jangarilar yuk ortilgan avtomobillarga hujum qilishgan va har bir avtomobil uchun 30 ming afgani (390 AQSh dollari atrofida) miqdorida pul talab qilgan.
Yuk mashinasi haydovchilari hukumat bilan aloqaga chiqdi va yordam so‘radi.
