Afruza – shaxmat taxtasining haqiqiy malikasi

Samarqand shahrida shaxmat bo‘yicha ikki karra jahon chempioni Afruza Hamdamovani taqdirlash marosimi bo‘lib o‘tdi.

Unda chempion qizning ota-onasi, ustozlari va u tahsil olayotgan maktab o‘quvchilari ishtirok etdi. Tadbirda Samarqand shahar hokimi Fazliddin Umarov chempionning tirishqoqligi hamda intiluvchanligini alohbda e’tirof etib, uning ota-onasi va ustozlariga minnatdorchilik bildirdi.
Afruza va ota-onasiga Samarqand shahar hokimligining tashakkurnoma va esdalik sovg‘alari topshirildi.
Tadbir davomida chempion havaskor shaxmatchilar va shaxmatga qiziquvchi yoshlar bilan shaxmat o‘ynadi va mahorat darsi o‘tdi.