Angliya Premer-ligasida mart oyining eng yaxshi murabbiyi e’lon qilindi

Angliya Premer-ligasi «Liverpul» bosh murabbiyi Yurgen Kloppni chempionatda mart oyining eng yaxshi murabbiyi deb e’lon qildi. Bu haqda tribuna.uz xabar berayapti.

«Qizillar» o‘tgan oyda liga doirasida 4 ta o‘yin o‘tkazib, ularning dastlabkisida durang va keyingi uchtasida g‘alaba qayd etishdi. Jamoa 32-turdan keyin 79 ochko bilan peshqadamlik qilmoqda.

Oy murabbiyi sovrini sohibini aniqlash uchun 5-8 aprel kunlari o‘tkazilgan so‘rovnomada Yurgen Kloppdan tashqari Pep Gvardiola («Manchester Siti»), Ralf Hazenhyuttl («Sauthempton»), Brendan Rojers («Lester») va Marko Silva («Everton») nomzodlari ham ko‘rsatilgandi.

Eslatib o‘tamiz, Klopp jamoasini yakshanba kuni navbatdagi tur doirasida «Chelsi»ga qarshi o‘yin kutmoqda.