AQSh va Rossiyaning yuqori martabali diplomatlari Ukrainadagi keskinlik yuzasidan Jenevada uchrashadi
Rossiya va AQShning yuqori martabali diplomatlari o‘tgan hafta ikki tomonlama rasmiylar ishtirokida o‘tgan bir qator uchrashuvlar ijobiy natija bermagach, Ukraina atrofida kuchayib borayotgan keskinlikni muhokama qilish maqsadida, bugun, 21 yanvar Shveysariyada uchrashishadi.
AQSh Davlat kotibi Entoni Blinken Yevropaga tashrifidan so‘ng Rossiya tashqi ishlar vaziri Sergey Lavrov bilan Rossiya Ukrainaga bostirishda davom etsa, AQSh ittifoqchilarining qarshi sanksiyalar qo‘llash majburiyatlarini kuchaytirishi borasida muzokaralar o‘tkazish uchun Jenevaga keldi.
Vashingtonning Moskvaga qarshi birlashgan muxolifat frontini yaratish umidi chorshanba kuni bo‘lib o‘tgan matbuot anjumanida AQSh prezidenti Jo Baydenning Rossiya Ukraina bilan “mojaroga kirishi”ni bashorat qilishi va bu Moskva qimmatga tushishini aytgan izohlari bilan murakkablashdi.
Ma’lumki, Rossiya Ukraina bilan chegarada o‘n minglab askarlarini to‘plagan va G‘arb davlatlari Moskva 2014 yilda Qrim yarimorolini anneksiya qilish maqsadida bosib olganidek, yangi hujumni rejalashtirayotganidan xavotirda. Rossiya buni rad etmoqda, biroq talablar ro‘yxati, jumladan, Ukrainani hech qachon NATOga qabul qilmaslik va’dasi bajarilmasa zarur harbiy choralar ko‘rishi mumkinligini ta’kidlamoqda.
Kreml matbuot kotibi Dmitriy Peskov Baydenning izohlariga fikri so‘ralganda, Rossiya kamida bir oydan beri shunga o‘xshash ogohlantirishlar olayotganini aytdi. “Ular Yevropada yuzaga kelgan keskinlikni yumshatishga hissa qo‘shma, aksincha vaziyatni beqarorlashtirishga xizmat qiladi”, — dedi Peskov.
O‘tgan chorshanba kuni Kiyevda Blinken Ukrainani AQSh qo‘llab-quvvatlashiga ishontirishga urindi. Bir kun o‘tib esa Berlinda Germaniya, Fransiya va Britaniya rasmiylari bilan uchrashuv oldidan Rossiya prezidenti Vladimir Putin zudlik bilan bosqinga buyruq berishi mumkinligini aytdi.
Blinken o‘rinbosari Vendi Sherman va Lavrovning o‘rinbosari Sergey Ryabkov ham o‘tgan hafta Jenevada uchrashib, tomonlar murosasizdek ko‘ringan pozitsiyalarni bildirdi.
AQSh rasmiylari bugungi uchrashuvda aniq natijaga erishishga ishonmaydi. Ukraina prezidenti Vladimir Zelenskiy esa payshanba kuni Twitterda aniq tanbeh berib, buyuk kuchlarga «kichik bosqin va kichik millat yoki yaqinini yo‘qotishda kichik qurbon va ozgina qayg‘u bo‘lmasligini» eslatdi.
