“Besh tashabbus olimpiadasi”
Toyloq tumani "O‘ray-Elipok" mahallasida o‘tkazilgan tadbir shunday nomlandi
Tadbir doirasida dastlab minifutbol bo‘yicha yoshlar o‘rtasida “Hokim kubogi” uchun musobaqa tashkil etildi.
Unda 9224-harbiy qismning yosh askarlari, "O‘ray-Elipok" mahallasining uyushmagan yoshlari hamda “Arsenal” jamoasi maydonda kuch sinashdi.
Musobaqa natijalariga ko‘ra 9224-harbiy qism askarlaridan tuzilgan jamoa 1-o‘rin sohibi bo‘ldi.
Shuningdek, yoshlar va nuroniylar o‘rtasida “Bir nuroniyga - 10 nafar yosh”, “Keksa avlod uchrashuvlari” loyihalari amalga oshirildi. Unda mahalla yoshlari obro‘-e’tiborli, yuqori hayotiy tajribaga ega bo‘lgan faol nuroniylar bilan uchrashdi.
