"Bizda Putinni hibsga olmaslikning iloji yo‘q": Janubiy Afrika hukumati Putindan BRIKS sammitiga kelmaslikni so‘radi
Janubiy Afrika Respublikasi hukumati Rossiya prezidenti Vladimir Putinni bo‘lajak BRIKS sammitida ishtirok etishdan bosh tortishga chaqirdi, deb yozadi Janubiy Afrikaning The Sunday Times gazetasi.
Nashr manbalariga ko‘ra, Janubiy Afrika rasmiylari Kremlni Putinni sammitda videobog‘lanish orqali ishtirok etishga ko‘ndirmoqchi. Rossiya Federatsiyasi prezidenti shaxsan Janubiy Afrikaga kelgan taqdirda, mamlakat rasmiylari Putinni hibsga olish to‘g‘risidagi Xalqaro jinoiy sud orderini bajarishi kerak bo‘ladi.
“Bizda Putinni hibsga olmaslikning iloji yo‘q. Agar u kelsa, biz uni hibsga olishimiz kerak ”, degan manba.
BRIKS sammiti (Braziliya, Rossiya, Hindiston, Xitoy, Janubiy Afrika) avgust oyida Janubiy Afrikada bo‘lib o‘tishi kerak.
25 aprel kuni Janubiy Afrika prezidenti Siril Ramafosa uning mamlakati “Xalqaro jinoyat sudi (XJS)ning ayrim davlatlarga nisbatan adolatsiz munosabati” tufayli XJS yurisdiksiyasidan chiqishga qaror qilganini aytdi. 27 aprel kuni Janubiy Afrika prezidenti saytida mamlakat XJS yurisdiksiyasidan chiqmasligi haqida xabar paydo bo‘ldi va prezidentning avvalgi bayonoti “xato izoh” deb aytildi.
