Bu yil appelyasiyaga berish qachondan boshlanadi va tartibi qanday?
Appelyasiya ariza yoki shikoyatlarini bu yil onlayn tarzda qabul qilish rejalashtirilmoqda.
Tanlovlar to‘liq yakunlangandan so‘ng ariza berish imkoniyatlari yaratiladi.
Oktyabr oyining boshlarida appelyasiya shikoyatlarini qabul qilish yo‘lga qo‘yiladi.
Barcha materiallar DTMda yig‘ilganligi va ekspertlar ham test markazida jamlanganligini inobatga olib, appelyasiya shikoyatlari test markazida ko‘rib chiqilishi rejalashtirilmoqda.
Appelyasiya jarayonlari to‘liq onlayn tarzda uzatiladi, ya’ni ota-onalar bemalol appelyasiya jarayonlarini onlayn kuzatishlari mumkin bo‘ladi.
Appelyasiyaga bergan abituriyent test sinovlarida yechgan savollar varaqasi bilan o‘zi bevosita ishtirok etadi.
Ta’kidlash lozimki, abituriyentlar appelyasiyada qayta sinovdan o‘tkazilmaydi, ya’ni yangi savollar berilmaydi. Test sinovida yechgan savollar kitobida belgilangan javoblar bilan appelyasiya jarayoni ko‘rib chiqiladi.
Bu haqda DTM Bosh boshqarma boshlig‘i Barno Rajabov AOKAda o‘tkazilgan brifingda ma’lum qildi.
