Bulung‘urda 7,4 million so‘mlik alyuminiy rangli metall parchalari ushlab qolindi
Viloyat bojxona boshqarmasi kontrabandaga qarshi kurashish bo‘limi hamda viloyat IIB yo‘l-patrul xizmati xodimlari bilan hamkorlikda rangli metallarni noqonuniy aylanmasiga qarshi kurashish yo‘nalishida Bulung‘ur tumanida tezkor tadbir o‘tkazildi.
Tadbirda "Samarqand-Toshkent" yo‘nalishida harakatlanayotgan "ISUZU" rusumli yuk mashinasi to‘xtatilib, xolislar ishtirokida ko‘zdan kechirilganida avtomashinaning yukxonasidan hujjatlari bo‘lmagan, qiymati 7,4 mln. so‘mlik, og‘irligi 679,90 kilogramm alyuminiy rangli metall parchalari borligi aniqlangan.
Hozirda holat yuzasidan bojxona organlari tomonidan surishtiruv harakatlari davom ettirilmoqda.
