Bulung‘urda elektromobillarni zaryadlovchi ilk qurilma ish boshladi
O‘zbekistonda yildan-yilga elektromobillar soni ko‘payib, aholining bu turdagi mashinalarga qiziqishi ortib boryapti.
Mamlakatimizda ularni quvvatlantirish uchun 23 ta zaryadlovchi qurilmalar faoliyat ko‘rsatmoqda. Bu ko‘rsatgich bundan bir yil oldin atigi 3 ta edi. Yaqinda Bulung‘urda ham ana shunday bekat o‘z ishini boshladi.
Mazkur bekat M-39 avtomobil yo‘lining Bulung‘ur tumanidan o‘tuvchi qismida joylashgan. Bu esa Respublikamizning istalgan hududiga ketayotgan elektromobil haydovchilari uchun katta qulaylik yaratadi.
Ushbu uskuna 2 soat davomida avtomobillarni energiya bilan quvvatlaydi va bu avtomobilni 500 kilometr yo‘l bosishiga to‘liq yetadi. Ish boshlaganiga ko‘p vaqt bo‘lmasa-da, mazkur bekatdan foydalanuvchilar soni anchaginani tashkil qilmoqda.
Abdulaziz Yo‘ldoshev.
