Dala hovlidan 5 bosh qo‘yni o‘g‘irlagan er-xotin qo‘lga tushdi
Poytaxtimizning Mirobod tumanida yashovchi fuqaro H.N. Toshkent viloyati Ohangaron tumani IIBga ariza bilan murojaat qilib, 29 noyabrga o‘tar kechasi o‘ziga tegishli Gulobod mahalla fuqarolar yig‘ini hududida joylashgan dala hovlisidan 5 bosh qo‘y o‘g‘irlab ketilganligini ma’lum qildi.
Ko‘rilgan choralar natijasida ushbu jinoyatni Gulobod mahalla fuqarolar yig‘inida yashovchi S.T. va uning xotini M.B. sodir etgani aniqlandi.
"Postda.uz" nashrining xabariga ko‘ra, holat yuzasidan jinoyat ishi qo‘zg‘atilgan. Tergov harakatlari olib borilyapti.
