Eron MAGATE kameralarini uzib qo‘ydi
Eron uranni boyitish bo‘yicha yangi sentrifugalar o‘rnatishni tezlashtirmoqda. Bu harakat Tehronning MAGATE tomonidan mamlakat yadroviy inshootlarini kuzatuvchi kameralar o‘chirilishi ortidan tashlangan qadam bo‘ldi.
Islom respublikasi rasmiylari buning barchasini MAGATE rezolyusiyasiga javob choralari deb aytmoqda: 8 iyun kuni tashkilot a’zolari Eronni hamkorlik qilishni istamagani uchun qoralagan edi.
“Eronda bizda mavjud bo‘lgan onlayn kuzatuv tizimini hisobga olmaganda, 27 ta kamera o‘chirib qo‘yilgan. Bu, albatta, u yerda ishimizni davom ettirish va Eron Birgalikda kompleks harakatlar rejasi doirasida bergan bayonotlari to‘g‘riligini tasdiqlashda jiddiy muammolarni keltirib chiqaradi”, deydi MAGATE bosh direktori Rafael Grossi.
MAGATE rezolyusiyasi Tehrondan yadroviy dastur bilan bog‘liq deb e’lon qilinmagan uch joyda uran zarralari qayerdan kelgani haqida texnik jihatdan ishonchli tushuntirish berishni talab qilmoqda.
