Fermer ishchisi ayollar ustiga kerosin sepib, yoqib yuborishga urindi

Yakkabog‘ tumanida fermer ishchisi unga qarshilik ko‘rsatgan ayollar ustiga kerosin sepib, yoqib yuborishga urindi, deb xabar bermoqda Muxbir.uz telegram kanali.

Videoda ayollar qo‘lida yelim idishi bo‘lgan shaxsga tashlangan, u esa idishdagi noma’lum suyuqlikni qarshilik ko‘rsatgan ayollar ustiga sepgan. Ayollar uni tayoq bilan urishga urinadi.

Ma’lum bo‘lishicha, tumandagi qishloqlarning birida 7 gektar bog‘ o‘rniga intensiv bog‘ yaratmoqchi bo‘lgan fermer hosil berib turgan olma daraxtlarini kesib tashlamoqda. “Shu paytgacha 7 gektar bog‘ning 5 gektaridagi 1500 ta mevali daraxt kesib tashlangan”, deyiladi xabarda.

Eslatib o‘tamiz, bundan oldin Qashqadaryoda “snos”lar bo‘yicha hokim o‘rinbosari bo‘lgan Mansur Tuymayevni tadbirkorning do‘konini buzmoqchi bo‘lganda yoqib yuborgan edi.