JSST kelgusi haftada koronavirus infeksiyasi bilan kasallanganlar soni 10 milliondan oshishini taxmin qildi
Bu haqda Jahon sog‘liqni saqlash tashkiloti Bosh direktori Tedros Adanom Gebreyesus matbuot anjumanida ma’lum qildi.
“Ayni vaqtda 9,4 milliondan ortiq odam COVID-19 infeksiyasi bilan kasallangan. 482 mingdan ortiq odam yangi turdagi virus tufayli halok bo‘ldi. Virus tarqalishining dastlabki oyida o‘n nafar kasallangan haqida xabar qilingan edi. Biroq so‘nggi oyda to‘rt milliondan ortiq yangi kasallanganlar aniqlandi”, deya ta’kidladi Gebreyesus.
JSST rahbari koronavirus bilan kurashish uchun imkoni boricha harakat qilish zarurligini ta’kidladi. Uning fikriga ko‘ra, birinchi navbatda, barcha og‘ir ahvoldagi bemorlarni kislorod bilan ta’minlash lozim.
