JSST Xitoyda aniqlangan koronavirus pandemiyasining vujudga kelish sabablarini o‘rganishni boshlaydi
Jahon sog‘liqni saqlash tashkiloti koronavirus infeksiyasining vujudga kelish sabablarini o‘rganish uchun Xitoyga tekshiruv guruhini yuboradi. Bu haqda tashkilot Bosh direktori Tedros Adxanom Gebreyesus ma’lum qildi.
Guruh COVID-19 infeksiyasining vujudga kelish sabablarini o‘rganadi. Mutaxassislar guruhi kelgusi haftada Xitoyga jo‘nab ketishi kutilmoqda.
Taqdim etilgan so‘nggi ma’lumotga ko‘ra, 30 iyun xolatiga dunyo bo‘ylab koronavirus infeksiyasi bilan kasallanganlar soni 10 278 458 nafarga yetgan, 5 219 513 nafar bemor sog‘aygan va 504 936 nafar bemor vafot etgan.
