Kaliforniya janubida yuzaga kelgan yong‘in 4 ming gektar maydonni egalladi
AQShning janubiy Kaliforniya shtatidagi San-Diyego okrugida yuzaga kelgan tabiiy yong‘in deyarli to‘rt ming gektar maydonni egalladi. Bu haqda mahalliy yong‘in xavfsizligi xizmati Tvitter sahifasida ma’lum qilindi.
Shtat markazidagi Serra milliy qo‘riqxonasi o‘rmonlari alanga ichida qolgan. “Yong‘in maydoni 9850 akr (to‘rt ming gektar atrofida) maydonni tashkil etmoqda. U 1 foizga bartaraf etildi”, deb ma’lum qildi mutaxassislar. Ular fuqarolarni evakuatsiyaga tayyor turishga chaqirdi.
Ma’lum qilinishicha, yong‘in 5 avgust kuni boshlangan. Kamida 150 nafar odam xavf hududidan evakuatsiya qilingan. Mutaxassislarning so‘zlariga ko‘ra, issiq va quruq havo harorati alanganing tez tarqalishiga sabab bo‘lmoqda.
