Kattaqo‘rg‘onda og‘ufurush qo‘lga olindi

Joriy yilning 21 iyul kuni Kattaqo‘rg‘on shahar IIB JQB xodimlari tomonidan Kattaqo‘rg‘on shahrining Ko‘hnadam mahallasida joylashgan uylarning birida o‘tkazilgan tezkor tadbir davomida K.M.ga tegishli bo‘lgan 2 dona gugurt quti ichiga qadoqlangan o‘tkir hidli giyohvandlik moddasi, xona ichida mavjud bo‘lgan sumkachadan 3 dona gugurt qutisiga joylangan “marixuanna” giyohvandlik moddasining urug‘i, ushbu xona ichida mavjud bo‘lgan isitish pechining ichidan bir dona, 1 litr sig‘imli yelim idishda giyohvandlik moddasi saqlab kelinayotganligi aniqlanib, xolislar ishtirokida ashyoviy dalil tariqasida hujjatlashtirilib olindi.

Mazkur holat yuzasidan Kattaqo‘rg‘on shahar IIB huzuridagi TB tomonidan K.M.ga nisbatan Jinoyat kodeksining 276-moddasi 2-qismi “a” bandi bilan jinoyat ishi qo‘zg‘atilib, dastlabki tergov harakatlari olib borilmoqda, deb xabar berdi IIV axborot xizmati.