Keyingi hafta O‘zbekistonda qor yog‘ishi va harorat -17 darajagacha tushishi kutilmoqda
Jahon prognoz markazlarining dastlabki hisob-kitoblariga ko‘ra, Ural va G‘arbiy Qozog‘iston orqali Rossiyasining shimoliy Yevropa hududlaridan 9-10 dekabr kunlari O‘zbekistonning shimoliy hududlariga, 11-12 dekabrda esa butun respublika hududiga juda sovuq havo massasi kirib kelishi kutilmoqda.
Qayd etilishicha, 10-11 dekabr kunlari respublika bo‘ylab yog‘ingarchilik bo‘ladi (yomg‘ir, qorga aylanishi mumkin).
Havo harorati asta-sekin pasayadi va 11-12 dekabrda kechasi -10...-7 darajagacha, kunduzi -3...0 darajagacha tushadi, shimolda kechasi -17...-12 darajagacha, kunduzi -10...-5 darajagacha bo‘lishi kutilmoqda.
