Maktab direktori 2 million so‘m pora bilan qo‘lga tushdi
Bosh prokuratura huzuridagi Departamentning Surxondaryo viloyati boshqarmasi xodimlari tomonidan Angor tumani prokuraturasi bilan hamkorlikda o‘tkazilgan tezkor tadbirda tumandagi 26-umumiy o‘rta ta’lim maktabi direktori O.X. qo‘lga olingan. Bu haqda Bosh prokuratura axborot xizmati xabar berdi.
Qayd etilishicha, maktab direktori o‘qituvchi N.Y.ni maktabdan bo‘shatmaslik evaziga ta’magirlik yo‘li bilan 2 million so‘mni olgan vaqtida ashyoviy dalillar bilan ushlangan.
Mazkur holat yuzasidan O.X.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, prokuraturaga yuborilgan.
