Android qurilmalar uchun Zarnews.uz mobil ilovasi. Yuklab olish x

Mehnat migrantlarini Rossiyaga olib kirishning maxsus mexanizmi yaratildi

Rossiya Federatsiyasidagi qurilish va uy-joy kommunal xizmat ko‘rsatish sohasiga Tojikiston, O‘zbekiston, Qozog‘iston va Turkiyadan fuqarolarni jalb qurilishning «qo‘lda boshqarish rejimida» ishlaydigan mexanizmi joriy etilmoqda. Bu haqda Rossiya qurilish va uy-joy kommunal xizmat ko‘rsatish vaziri Irek Fayzullin ma’lum qilgan.

Yangi mexanizmga ko‘ra, endilikda Rossiyaning qurilish kompaniyalari vakillari yoki viloyatlar rahbariyati ma’lum bir ob’yekt uchun migrantlarni chaqirish yuzasidan Qurilish vazirligiga murojaat qilishi mumkin. Murojaat uch hafta davomida komissiya tomonidan ko‘rib chiqiladi.

Tashqi mehnat migratsiyasi agentligi xabariga ko‘ra, chegaralar ochilgandan keyin esa Rossiyaga xorijiy ishchilarni kiritishning yangi mexanizmi yaratiladi.

Eslatib o‘tamiz, yaqinda Rossiya Federatsiyasi prezidenti mehnat migrantlarini qurilish ob’yektlariga jalb qilishni soddalashtirish masalasini ko‘rib chiqish yuzasidan hukumatga topshiriq bergan edi.