Ming metr elektr simi o‘g‘rilari qachon topiladi?

Kecha, 8 iyun kuni zarnews.uz saytida “Ming metr elektr simi qachon topiladi?” sarlavhasi ostida murojaat e’lon qilindi.

Haqiqatan ham 2021 yil 15 aprel kuni Paxtachi tumani Fay mahallasi hududida joylashgan “Axmedov Navro‘zjon chorva” fermer xo‘jaligi raisi N.A. xo‘jaligi yer maydonidan jami uzunligi 1 kilometr (1000 metr) bo‘lgan elektr simlari yo‘qolganligi bo‘yicha murojaat qilgan.

Mazkur holat yuzasidan Paxtachi tumani IIB mas’ul xodimlari tomonidan tergovga qadar tekshiruv olib borib, ushbu simlar “Axmedov Navro‘zjon chorva” fermer xo‘jaligiga tegishli ekanligi va umumiy narxi bazaviy hisoblash miqdorining 30 baravaridan oshmasligi aniqlangan.

Mazkur holatda jinoyat alomatlari mavjud bo‘lmaganligi uchun jinoyat ishini qo‘zg‘atishdan rad etilgan va “Ma’muriy javobgarlik to‘g‘risidagi kodeks”ning 61-moddasi 1-qismida ko‘rsatilgan huquqbuzarlik alomatlari mavjud bo‘lganligi sababli ma’muriy tartibda ajratilgan.

Hozirda ushbu qilmishni sodir etgan shaxsni aniqlash choralari ko‘rilmoqda.

Samarqand viloyati IIB axborot xizmati.