Muborak oy mo‘’jizasi: asalarilar arab yozuvi shaklini hosil qilishdi

Asalari mavjudligining o‘zi katta mo‘’jiza. Biroq ular tomonidan ham mo‘’jiza yaratilishi mumkin ekan.

Jalalquduq tumanining Diydor ko‘chasida istiqomat qiluvchi Javohir Nasriddinov xonadonida shunday hodisa ro‘y berdi. Uning qaramog‘idagi asalarilar arab yozuvi shaklini hosil etdilar, deb yozmoqda "Xalq so‘zi" nashri.

“15 yoshimdan buyon asalarichilik bilan shug‘ullanaman. Hozirda 6 ta oilani parvarishlayapman. Bundan besh kun avval ular tomonidan yaratilgan shaklni ko‘rib, darhol suratga oldim. Qo‘rg‘ontepa tuman masjidiga borib, imom bilan uchrashdim va suratni ko‘rsatdim. Masjid vakillari bu arabcha yozuv ekanligini tasdiqlashdi”, - deydi 20 yoshli asalarichi Javohir Nasriddinov.

Javohir yosh bo‘lishiga qaramay, asalarichilikning hadisini olgan. To‘g‘ri, undagi mavjud asalari oilasi hali kam. Shunday bo‘lsada, har yili 200 kg. asal oladi. Xonadonida ro‘y bergan voqea uning kayfiyatini yanada ko‘tarib, yangi rejalar tuzishga turtki bo‘ldi.